काठमाडौं । नक्कली भुटानी शरणार्थी प्रकरणमा पक्राउ परेका बेचन झा केन्द्रीय कारागार चलान भएका छन्।
काठमाडौं जिल्ला अदालतका न्यायाधीश तिर्थराज केसीको इजलासले आइतबार झालाई पुर्पक्षका लागि कारागार चलानको आदेश दिएको हो।
जिल्ला प्रहरी परिसर काठमाडौंका एसपी नवराज अधिकारीले अदालतको आदेशअनुसार झालाई आइतबार नै सुनधारामा रहेको केन्द्रीय कारागारमा पठाइएको बताए।
झालाई संगठित अपराध, ठगी, लिखत क्रीते र राज्यविरुद्धको अपराधको कसुरमा मुद्दा दायर भएको छ। यद्यपि उनले आफूमाथि लागेका सम्पूर्ण अभियोग इन्कार गर्दै आएका छन्।
