केजरीवालसँग मागियो पुरानो फोन

नयाँ दिल्ली । मदिरा नीति घोटला मामिलामा दिल्लीका मुख्यमन्त्री अरविन्द केजरीवाल अहिले प्रवर्तन निर्देशालयको हिरासतमा छन् । केजरीवालसँग अधिकारीहरुले उक्त नीति लागू भएको समयमा प्रयोग गरिएको फोन समेत मागेका छन् ।

केजरीवालले ‘फोन कहाँ छ’ भनेर आफूलाई थाहा नभएको जवाफ फर्काएका छन् । यो कान्डमा ३६ जना आरोपीसँग १७१ ओटा फोन प्रयोग भएको ईडीले छानबिनको क्रममा भनेको छ ।

यी फोनमध्ये एउटा चाँहि केजरीवालको २ वर्ष पुरानो फोन हो । यो फोन केजरीवालले ईडीलाई दिएका छैनन् । १७१ वटा फोनमध्ये एजेन्सीको हातमा १७ फोन मात्रै आइपुगेको छ ।

यिनै फोनमा भेटिएका डेटाको आधारमा एजेन्सीले अहिलेसम्मको सबूत प्रमाण जुटाएको हो । आरोपीहरूले कयौं फोन नष्ट गरिसकेकोले प्रमाण जुटाउन समस्या भइरहेको बताइएको छ । केजरीवाल मार्च २८ सम्म ईडीको हिरासतमा रहनेछन् ।

तपाईको प्रतिक्रिया !!!

ताजा समाचार