देशको अवस्था बिग्रँदै गयो, चुनाव कुर्न सक्दैनौं फागुनबाट आन्दोलनमा जान्छौँ: राजेन्द्र लिङदेन

काठमाडौं । राप्रपा अध्यक्ष राजेन्द्र लिङदेनले ०८४ सम्म आफ्नो दलले सरकारले गरेका गलतथ कामहरु हेरेर बसुन नसकुने बताएका छन् । मंगलबार काठमाडौंमा विभिन्न मिडियाका सम्पादकहरुसँग कुराकानी गर्दै पूर्व मन्त्रीसमेत रहेका लिङ्देनले आफ्नो दलले चुनाव कुर्न नसक्ने भन्दै फागुनबाट आन्दोलनमका जाने घोषणा गरेका छन् ।

‘हामी चुनाव कुर्न नस्कने भयौँ। देशको अवस्था झन् झन् बिग्रँदै गइरहेको छ। नेतृत्वले सुध्रिन चाहेन’, उनले भने, ‘देशको अवस्थामा कुनै सुधार भएन। अब हामी फागुनबाट आन्दोलनमा जान्छौँ।’

अध्यक्ष लिङ्देनले चुनाव कुर्न नसकेको प्रसंगलाई गलत भाष्यका रुपमा ब्याख्या नगरिदिन पनि सम्पादहरूलाई आग्रह गरेका छन् । उनले भने ‘गलत नबुझिदिनुहोला। तर हामी आन्दोलनमा जानै पर्ने भयो’, उनले भने, ‘गलत भाष्य नबनाइदिनुहोला। हामीले पुरानो व्यवस्थामा फर्किने भनेका छैनौँ। पछाडि फर्किने कुरा छैन।’

राप्रपाले हिन्दू राज्य पुर्नस्थापना र राजसंस्थाको पुनर्रवाहलीका लागि फागुनबाट आन्दोलनमा जाने निर्णय यसअघि नै गरिसकेको छ ।

तपाईको प्रतिक्रिया !!!

ताजा समाचार