लहान । प्रहरी नायव महानिरीक्षक (डिआईजी) यज्ञ बिनोद पोखरेलले मधेस प्रदेश प्रहरी प्रमुखको कमान्ड सम्हालेका छन् । हालै सरुवा भएर आएका डिआईजी पोखरेले आइतबार मधेस प्रदेश प्रहरी प्रमुखको कमान्ड सम्हालेको हो ।
पदभार ग्रहण पश्चात प्रहरी नायव महानिरीक्षक पोखरेलले मधेस प्रदेशको बस्तुस्थिति, जनशक्तिको बारेमा जानकारी लिएका थिए ।
त्यस पश्चात उनले कार्यालय तथा मातहत समेतका प्रहरी कर्मचारीहरुलाई प्रभावकारी अपराध अनुसन्धान तथा नियन्त्रण, नागरिक एवं पिडित मैत्री सहज र द्रुत प्रहरी सेवा, मानव अधिकार संरक्षण, प्रहरीको आचरण र ब्यबहारमा सुधार गर्न निर्देशन दिए ।
यस्तै उनले आर्थिक अनुशासन, शुसासन, भ्रष्टाचार नियन्त्रण, तस्करी नियन्त्रण, चुस्त दुरुस्त प्रहरी परिचालनका विषयमा योजनाबद्ध ढंगले प्रहरी कार्य अगाडि बढाउन निर्देशन दिए ।
आइतबार कार्यालयमा हाजिर भएका डिआईजी पोखरेललाई प्रहरी वरिष्ठ उपरिक्षक, प्रहरी उपरीक्षक, प्रहरी नायव उपरीक्षक लगायत प्रहरी अधिकृत तथा जवानहरुले स्वागत गरेका थिए ।
