बारा । बाराबाट प्रहरीले लागु औषधसहित चार जनालाई पक्राउ गरेको छ । ईलाका प्रहरी कार्यालय निजगढ र ईलाका प्रहरी कार्यालय सिमराबाट खटिएको टोलीले चेकजाँच गर्ने क्रममा प्रतिबन्धित लागुऔषधसहित चार जनालाई पक्राउ गरेको हो ।

बाराको कलैया उपमहानगरपालिका–१ बस्ने वर्ष ४३ का जयशंकर प्रसाद यादव, कलैया– १ बस्ने वर्ष २४ का मनिषकुमार साह, निजगढ नगरपालिकाद्द८ बुद्ध चोक बस्ने वर्ष २० का विवेक मोक्तान, जीतपुर सिमरा उपमहानगरपालिका–१६ टांगिया बस्ने वर्ष २० का सागर तामाङलाई प्रतिबन्धित लागुऔषध ट्याब्लेटसहित पक्राउ परेका हुन् ।

ईलाका प्रहरी कार्यालय सिमराबाट खटेको गस्ती टोलीले जीतपुरसिमरा उपमहानगरपालिका– ३ बाट प्र २–०३–०१६ प ०८८८ नम्बरको मोटरसाइकलमा लुकाइछिपाई ल्याउँदै गरेको फेनरागन– २९६ पिस, डाइजेपाम– ३०३ पिस, बुप्रो नोर्फिन– ३०० पिससहित जयशंकर प्रसाद यादव र मनिषकुमार साहलाई पक्राउ गरिएको जिल्ला प्रहरी कार्यालय बाराले जनाएको छ ।

त्यस्तै ईलाका प्रहरी कार्यालय निजगढबाट खटेको गस्ती टोलीले निजगढ नगरपालिका–९ शहिद चोकस्थित बजारबाट Tramanil- १८ पत्ता १८० ट्याबलेट प्रहरीले बरामद गरेको छ । पक्राउ परेका चार जनालाई नियन्त्रणमा राखेर ठप्प अनुसन्धान भइरहेको बाराका प्रहरी प्रवक्ता प्रहरी नायब उपरीक्षक दधिराम न्यौपानेले बताए ।